ربك ينجينا

بحق مانجيت موسى من فرعون صبّرنا قوينا على فساد الكون

ربك ينجينا والصعب بكرة يهون بتبكى عنينا على حلمنا المسجون

ويا حلم يا عاجز توصل لأحلامك بتبكى على الدنيا والجنة قدامك

ارمى وراك همك واتحدى أيامك واكسب رضا أمك هى اللى باقية لك

والظلم مهما يطول لكل شىء آخر حتى اللى عايش غول مسيره يتاكل

الكل فى التراب الشعبى والفاخر وفى موقف الحساب الكل يتاخر

وإحنا ذنوبنا كتير ورحمتك أكبر لو قل يوم الخير على الشر راح نصبر

لو عشنا زى الطير متوكلين نوصل الرزق على الرزاق مكتوب ومتقدر