عيني عليك ياابن ادم ياكبير الدار قامت الدنيا وما قعدت لما قالوا حمار
هو اسمي شتيمة ولا جنسي ده عار خلقني ربي وخلقك ولا حدش ليه خيار
وانا مهما زاد الحمل فوقي صابر علي المشوار
لا في يوم اقول اشمعني اخويا ولا اخد منه تار
ولا يوم ابص لرزق غيري و واطق منه واغار
ولا ارفع في يوم عيني علي جارتي واصون الجار
ولا شقه احوش في تمنها ولا اجهز دار
ولا حرمي حامل تتوحم عاوزه الكافيار
ولا بنت تخرج من طوعي وتجيب العار
ولا ابن يدمن ويهلوس ويقع ينهار
عايش في حالي متهني وليا افكار؟
باكل وبشرب وانهق ومفيش اسرار
وعندي ابن ادم يخدمني ليل ونهار
ان جعت يشتري برسيمي باغلي الاسعار
وفي مرضي يفضل يعالجني ويدعي الستار
خادم امين من غير راتب ولا حتي ايجار
ودلوقت عرفت يا ابن ادم مين فينا الحمار؟؟؟
السبت يوليو 13 2013, 00:03 من طرف 
